جريدة طيف تحاور المبدعة مريم حمدي
حاورتها: آية مصيلحى
حديقة الإبداع مليئة بالزهور، هناك زهرة يافعة جميلة تحب أشعة الكلمات ونبض الحروف؛ الكاتبة الناشئة مريم حمدى إبراهيم، تبلغ من العمر 17 عاماً من محافظة الشرقية، كاتبة.
تكتب خواطر واسكريبتات ورسايل بهجة وروايات.
شاركت في العديد من الكتب المجمعة
عملت كتاب فردى ليا "كلمات مبعثرة"
عزيزتي مريم ماشاء الله لديك مؤلفات ومشاركات لا بأس بها وأنتي بعمر صغير حدثيني من إكتشف موهبتك في الإبداع الأدبي ؟؟
كنت بكتب من وأنا صغيرة يعنى زى مواضيع التعبير كنت بكتب فيها كتير أوى وكمان لما حد من صحابى يحب بكتب رسالة لحد معين كنت أنا بكتبها ليه وبدأت أكتب إسكريبتات صغيرة وحواديت وبعدين كتبت روايات وخواطر وشاركت في العديد من الكتب المجمعة .
الكتب الجامعة إلكترونية أم ورقية؟؟؟
منها الكترونى ومنها ورقى .
من كان الداعم الأول لمريم ؟؟؟
ماما كانت أول الداعمين ليا بعدين بابا وصحابى.
هل لديك أوقات معينة أو مخصصة للكتابة؟؟؟؟
مش وقت معين بس حسب المود بتاعى.
عناوين الكتب الجامعة هل تم إختيارها قبل كتابة المحتوى ؟
قبل كتابة المحتوى.
ماعلاقتك بقصص الرعب ؟؟؟؟
كتبت رواية رعب لسة هى قيد الكتابة.
جميل أن يملك الشباب الخيال لأن من التخيل تتجسد الأفكار وتتبلور مارأيك؟
فعلا والكتابة والخيال بيساعدنا على تحقيق حاجات كتير مش عارفين نوصلها في الواقع.
جميلتي مريم أنتٍ شابة مصرية طموحة لديك ميولات وأهداف ماهو هدفك من الكتابة وهدفك من الدراسة ؟؟؟
فى الكتابة أن اوصل رسالتى لناس كتير واقدر اوصل للناس احساسهم من خلال كتاباتى واقدر افرحهم من خلال رسايل البهجة اللى بكتبها وكمان الحواديت والإسكريبتات بتمنى يستفادوا منها.
اما هدفي الدراسي: ان ادخل كلية هندسة واكون مهندسة
لما اخترتي تخصص الهندسة؟؟
عشان بحب الهندسه ومن وأنا صغيرة وأنا عايزة ادخل هندسة بحب الحسابات والرسم وبحب اى حاجه ليها علاقة بالهندسة ♥️
عناوين الكتب الجامعة جمعت بين الحزن والألم هل مريم إنسانة حزينة وهل تكتب من أجل الإستفراغ؟
بكتب عشان حاجات كتير منها أن بحب الكتابة وبقدر اعبر فيها عن حاجات كتير أوى مش بوصلها بالكلام+أنى بحب أوى الناس اللى بتقولى رأيها اللطيف والمبهج في كتاباتى وحاجات كتير.
_ بماذا تريدين ان تختمي حوارك؟؟!
عايزة اقول أن اى حد بيمتلك موهبة يحاول بقدر الإمكان أنه ينمى الموهبة دى ومش يستسلم بسهولة ويسمع للكلام المحبط اللى كلنا بنتعرض ليه ويكون مؤمن بالله وواثق في نفسه والمهم أنه يكون عنده ارادة وعزيمة للنجاح والمقاومة+أنا حقيقى ممتنة لأى حد بيدعمنى وفضل جنبى لدلوقتى ولسة مؤمن معايا أنى قادرة أنى اوصل لهدفى ♥️
ليست هناك تعليقات:
إرسال تعليق